Эйфель минорасида теракт режалаштирган ўсмирлар қўлга олинди

1 дақиқа ўқиш346
Эйфель минорасида теракт режалаштирган ўсмирлар қўлга олинди

Франция полицияси 15 ва 17 ёшли икки нафар ўсмирни ҳибсга олди. Улар Эйфель минораси ва синагогаларга қарши террор амалини тайёрлаганликда гумон қилинмоқда. Бу ҳақда Le Figaro хабар тарқатди.

Маълумотларга кўра, ўсмирлар Париж атрофида туғилган ва “араб-мусулмон оилаларида” ўсган. Улар ИШИД гуруҳи ғояларига ҳамдард бўлиб, мунтазам равишда “ультра зўравонликка оид” контент билан алмашиб турган ҳамда хорижга “жиҳод учун чиқиш” ҳақида муҳокама олиб борган. Яқинда эса улар тўғридан-тўғри Франциянинг ўзида ҳужумлар амалга ошириш ҳақида фикр билдирган. Хусусан, Исроилнинг Ғазодаги амалиётлари муносабати билан Эйфель минораси ва синагогалар ҳақида гапиришган.

Нашрга кўра, улар ҳужум жойини аниқ белгиламаган бўлса-да, қоронғу интернет тармоқлари орқали қурол излашни бошлаб юборишган. 1 август куни ўсмирлар “террорчилик мақсадида жиноий тил бириктириш” айблови билан суд олдига олиб чиқилди.

Le Figaro ёзишича, Францияда вояга етмаганлар орасида терроризмга мойиллик ортиб бораётгани жиддий хавотир уйғотмоқда. Агар 2022 йилда бу модда бўйича фақат икки нафар бола қўлга олинган бўлса, 2023 йилда улар сони 15, 2024 йилда эса 18 нафарга етди. 2025 йил бошидан буён эса яна 13 нафари ушланган. Европолнинг ҳисоботида таъкидланишича, Европа Иттифоқида терроризмда гумон қилиниб ҳибсга олинганларнинг қарийб учдан бири 20 ёшдан кичик. Шунинг учун Франция миллий аксилтеррор прокуратураси жорий йил май ойида айнан вояга етмаганлар билан ишлаш учун алоҳида бўлим ташкил этди.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?