Анқарада бўлиб ўтган муҳим учрашувда Туркия президенти Ражаб Тоййиб Эрдўған Фаластин мухторияти раҳбари Маҳмуд Аббос билан мулоқот қилди. Президентнинг маълум қилишича, 23 сентябрь куни бошланадиган БМТ Бош ассамблеясида Фаластин номидан айнан Туркия сўзга чиқади.
Эрдўған таъкидлаганидек, Туркия халқаро майдоннинг барча минбарларида Фаластин масаласини доимий равишда кун тартибида ушлаб туради. Унга кўра, мамлакатнинг асосий мақсади ва устувор йўналиши — Ғазо секторида дарҳол тинчлик ўрнатиш ва минтақада юзага келган гуманитар фожиани бартараф этишдан иборат.
Туркия раҳбари шунингдек, Фаластин халқига сиёсий ва дипломатик ёрдам кўрсатишда Анқара ҳеч қачон орқага чекинмаслигини урғулади. Унинг фикрича, глобал майдондаги бундай қадамлар нафақат Фаластин учун, балки бутун минтақада барқарорлик ва тинчликни таъминлашда муҳим аҳамиятга эга.
“Zamin”ни Telegram'да ўқинг!
