Туркия Россиядан нефть сотиб олишни тўхтатишга тайёр эканини АҚШ президенти Дональд Трамп маълум қилди.
Америка раҳбари Туркия президенти Ражаб Тоййиб Эрдўғон Россия нефтини импорт қилишни тўхтатишга рози бўлганми, деган саволга бевосита жавоб бермади. "Аммо мен уни тўхташини хоҳласам, у тўхтайди", — деди Трамп. Унинг сўзларига кўра, бу иш амалга ошади, чунки Россия нефтини бошқа кўплаб мамлакатлардан харид қилиш имкони бор. Шу билан бирга, Венгрия ва Словакия учун Россиядан нефть етказиб беришни тўхтатиш анча қийин бўлишини ҳам таъкидлади.
Шу вақтда Туркия президентининг алоқа бўлими раҳбари Бурҳониддин Дуран Facebook саҳифасида Туркия ва АҚШ президентлари Вашингтонда ўтказган музокаралари чоғида бир қатор муҳим ва самарали натижаларга эришганини ёзди.
"АҚШ президенти Трамп билан Оқ уйдаги тарихий учрашув жуда дўстона муҳитда бўлди. Мудофаа ва савдодан тортиб энергетика, минтақавий ва глобал масалаларгача кенг кўламли мавзулар муҳокама қилинди. Бир қатор йирик ва сезиларли ютуқларга эришилди", — деб таъкидлади Дуран.
«Замин»ни Telegram’да ўқинг!
