Исроил бош вазири Бинямин Нетаняху Украина президенти Владимир Зеленскийга Эрон томонидан юз берган дрон таҳдидига қарши курашда ёрдам сўраб мурожаат қилди. Бу ҳақда Исроилнинг Ynet янгиликлар портали хабар бермоқда.
Нашр манбалари таъкидлашича, Нетаняху мурожаатини амалга оширишда Украинанинг Россия билан можаро даврида учувчисиз ҳаво апаратларини муваффақиятли қўлга киритиш тажрибаси асос бўлган. Шунингдек, Тел-Авив ва Киев ўртасида бу соҳада ҳамкорлик имкониятлари муҳокама қилинган.
Украинанинг Исроилдаги элчиси Евгений Корнийчук, Киевнинг учувчисиз қурилмалар билан тажрибасини эътироф этган ҳолда, Украина бундай ҳамкорликка тайёрлигини маълум қилди. Аммо ҳозирча икки давлат раҳбарлари ўртасида тўғридан-тўғри суҳбат бўлиб ўтмаган.
Аввалроқ Эроннинг Исроилга кўрсатилган ёрдам туфайли Украина ҳудудини зарбалар учун қонуний нишон деб эълон қилгани ҳақида хабар берган эдик. Шу билан бирга, Украина раҳбари дронлар таҳдидига қарши кураш учун Яқин Шарққа украиналик мутахассисларни юборгани ҳам маълум қилинган эди.
Америка раҳбари эса мазкур баёнотни рад этар экан, Киевнинг ёрдами унга ҳозирда керак эмаслигини таъкидлади. Бу воқеалар Эроннинг ядро арсенали ва ҳарбий имкониятларига нисбатан глобал хавфсизликнинг катта аҳамиятга эга эканини кўрсатмоқда.
“Zamin”ни Telegram'да ўқинг!
