Марсда ҳайратланарли кашфиёт: илк мураккаб органик излар аниқланди

1 дақиқа ўқиш1.9K
Марсда ҳайратланарли кашфиёт: илк мураккаб органик излар аниқланди
ҚисқачаAI ёрдамида тайёрланганКўрсатиш
  • NASAнинг Perseverance марсоходи Марсдаги Езеро кратери жинсларидан илм-фан учун муҳим бўлган макромолекулар углеродни аниқлади.
  • Неретва Валлис дарё канали ҳудудида жойлашган “Брайт-Ейнджел” очиқ жинслари ШЕРЛОК илмий асбоби ёрдамида ўрганилди ва бу топилма Марс юзасидаги энг муҳим органик моддалардан бири ҳисобланади.
  • Углероднинг спектрал хусусиятлари ҳам абиотик, ҳам биотик манбаларга мос келгани боис, унинг аниқ келиб чиқиши ҳозирча номаълум қолмоқда.

NASA’нинг Perseverance марсоходи Марсда илм-фан учун жуда муҳим бўлган навбатдаги кашфиётга эришди. Олимлар тахминан 3,7 миллиард йил аввал мавжуд бўлган қадимги кўл ҳудуди — Езеро кратеридаги жинсларда макромолекуляр углеродни аниқлади. Бу Марс юзасига энг яқин қатламда қайд этилган энг муҳим органик модда топилмаларидан бири ҳисобланади. Тадқиқот натижалари Science Advances (SA) илмий журналида эълон қилинди.

Маълум қилинишича, тадқиқотчилар Неретва Валлис дарё канали ҳудудида жойлашган “Брайт-Эйнджел” очиқ жинсларини ўрганиш учун марсоходдаги SHERLOC илмий асбобидан фойдаланган. Текширилган жинслар орасида қоплон терисини эслатувчи доғли нақшлари билан машҳур бўлган “Шайава Фолс” мергель тоши ҳам бор. Илгарироқ айнан ушбу доғлар унинг биологик келиб чиқиши мумкинлиги ҳақида қизғин баҳсларга сабаб бўлган эди.

NASA Реактив ҳаракатланиш лабораторияси астробиологи Кайл Ускертнинг таъкидлашича, ишлов берилмаган тоғ жинси юзасида макромолекуляр углероднинг аниқланиши Марс юзасидаги энг юқори қатламдан топилган органик моддалардан бири ҳисобланади. Бу эса органик бирикмалар нисбатан яқинда очилиб қолганини ёки улар фотоҳимоя хусусиятига эга минераллар таъсирида яхши сақланганини англатиши мумкин.

Мутахассислар қайд этишича, углероднинг спектрал хусусиятлари ҳам абиотик манбалар — метеоритлар ёки гидротермал жинсларга, ҳам биотик манбалар — микроб матлари ва тошкўмир каби органик ҳосилаларга мос келади. Шу боис, ҳозирча ушбу моддаларнинг аниқ келиб чиқиши ҳақида қатъий хулоса чиқариш имкони йўқ.

Сайёрашунослик институти геологи Эшли Мерфининг айтишича, мавжуд маълумотлар углероднинг манбасини аниқ белгилаш учун етарли эмас. Шу сабабли унинг биологик йўл билан ҳосил бўлгани эҳтимоли ҳам ҳозирча истисно қилинмаяпти.

Олимлар фикрича, ушбу сирга тўлиқ ойдинлик киритиш учун Марсдан олинадиган намуналарни Ерга олиб келиш ва уларни замонавий лабораторияларда чуқур таҳлил қилиш талаб этилади. Агар келажакда ушбу органик бирикмаларнинг биологик келиб чиқиши тасдиқланса, бу инсониятнинг Марсда ҳаёт мавжуд бўлган-бўлмагани ҳақидаги тасаввурларини тубдан ўзгартириши мумкин.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?