Венесуэлада 8 кун вайроналар остида қолган эркак тирик топилди

1 дақиқа ўқиш1.2K
Венесуэлада 8 кун вайроналар остида қолган эркак тирик топилди

Венесуэлада ўтган ҳафта содир бўлган кучли зилзилалардан кейин вайроналар остида қолган 43 ёшли қўриқчи Эрнан Альберто Гил Флорес саккиз кундан сўнг тирик ҳолда қутқарилди. Унинг омон қолиши халқаро қутқарувчилар томонидан ҳақиқий мўъжиза сифатида баҳоланмоқда.

Маълум қилинишича, у Ла-Гуайра шаҳридаги Galerías Playa Grande савдо марказида тунги навбатда ишлаётган пайтда 7,2 ва 7,5 магнитудали кетма-кет зилзилалар содир бўлган. Атрофдаги бино қулаб тушган бўлса-да, кичик қўриқлаш кабинкаси уни босиб қолишдан асраган ва ичида ҳаво сақланиб қолган.

Коста-Рика Қизил Хоч жамияти мутахассислари якшанба куни унинг тирик эканини аниқлаган. Қутқарувчиларнинг айтишича, Эрнан дастлаб хотинига тириклиги ҳақида хабар берилмаслигини сўраган, чунки қутқарув муваффақиятли якунланмаслигидан хавотирланган.

Венесуэлада 8 кун вайроналар остида қолган эркак тирик топилди

Пайшанба куни Чили, АҚШ, Португалия, Мексика ва бошқа мамлакатлар қутқарувчилари иштирокида ўтказилган мураккаб операция натижасида Эрнан вайроналар орасидан олиб чиқилди. Сўнгги кунларда унга махсус камера орқали алоқа ўрнатилиб, сув ва суюқ озуқа етказиб турилган.

Расмий маълумотларга кўра, 7,2 ва 7,5 магнитудали зилзилалар оқибатида қарийб 2 200 киши ҳалок бўлган, 11 мингдан ортиқ одам жароҳатланган, яна ўн минглаб инсонлар бедарак деб ҳисобланмоқда.

Ҳозирда асосий эътибор жабрланган аҳолига ёрдам кўрсатишга қаратилган. Минглаб одамлар бошпанасиз қолган, озиқ-овқат ва ичимлик суви танқислиги кузатилмоқда. Жаҳон озиқ-овқат дастури эса камида 500 минг нафар инсонга уч ой давомида гуманитар ёрдам зарурлигини маълум қилди.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?