Сайёҳларга қимиз нималигини тушунтиришга ҳаракат қилган болакай самимийлиги билан тармоқни забт этди (видео)

Қирғизистонда қимиз сотаётган болакайнинг видеоси ижтимоий тармоқларда кенг тарқалди. У чет эллик сайёҳларга миллий ичимликни таништириш учун турли тилларда гапиришга уринади, тушунтириш қийинлашганда эса ишоралардан фойдаланади.

Кадрларда болакай қимизни меҳмонларга содда ва самимий тарзда таърифлаётгани кўринади. У баъзан сўзларни аралаштириб юборади, лекин маҳсулотни тушунтиришдан тўхтамайди. Сайёҳлар эса унинг ҳаракатларини қизиқиш ва табассум билан кузатади.

Болакайнинг тиришқоқлиги натижа бериб, у қимизни сотишга ҳам муваффақ бўлган. Шу кичик савдо жараёни тармоқ фойдаланувчилари орасида катта қизиқиш уйғотди.