Ақтауда гипермаркет ёнида автомобиль ёнди (видео)

Ақтау шаҳридаги гипермаркетлардан бири ёнида ёнғин содир бўлди. Газ-баллон ускунаси билан жиҳозланган енгил автомобиль ёнган. Бу ҳақда Nur.kz маълум қилди.

Ҳодиса бугун, 11 сентябрь куни Шиғис-2 микрорайонида содир бўлган. Автомобиль ёнгани ҳақида хабар ёнғин-қутқарув хизмати навбатчиси пультига соат 15:20 да келиб тушган.

Фавқулодда вазиятлар департаменти маълумотига кўра, Volkswagen Jetta русумли енгил автомобиль ёнган.

Қайд этилишича, автомобиль газ-баллон ускунаси билан жиҳозланган бўлган.

Ёнғинни бартараф этиш учун 6 нафар ёнғин-қутқарув хизмати ходими ва 2 та махсус техника жалб қилинган. Ҳодиса оқибатида ҳеч ким жабрланмаган.