Қирғизистон парламенти депутатлари собиқ президент Алмазбек Атамбоевни дахлсизликдан маҳрум қилиш бўйича комиссия ташкил этишди.
Таъкидланишича, парламент йиғилишида комиссияни ташкил этиш таклиф қилинган, айни вақтда у шакллантирилган ва яқин орада ўз ишини бошлайди. Комиссия таркибига парламент фракциялари вакиллари кирган.
Қирғизистон қонунчилигига кўра, собиқ президент 120 депутатнинг учдан икки қисми тегишли аризани имзолаб, уни бош прокуратурага жўнатса дахлсизликдан маҳрум этилиши мумкин. 2019 йил баҳорида депутатлар “Президент фаолияти кафолатлари тўғрисида”ги қонунга тузатишлар киритишиб, унга кўра собиқ президентлар баъзи ҳолатларда жиноий жавобгарликка тортилишлари мумкин.
Депутатларнинг комиссия тузишларига эса Атамбоевнинг 8 июнда Бишкекдаги намойишдаги нутқи сабаб бўлган. Атамбоев бу нутқи давомида депутатларни иродасизликда, президентга тўлиқ итоат қилишда айблаган ва уларни “мишиқилар” деб атаган.
Атамбоев Қирғизистонни 2011 йилдан 2017 йилгача бошқарган ва биринчи президентлик муддатидан кейин лавозимини кўнгилли тарзда тарк этган илк президент бўлган. Атамбоев 2 йил аввал Қирғизистон президенти лавозимига Сооронбай Жээнбековни илгари суриш ташаббусини билдирган. Бироқ кейинчалик улар орасида зиддиятлар вужудга кела бошлаган.
Қирғизистонда 1,5 йил ичида коррупцияга гумон билан Атамбоевнинг яқин атрофидан бир неча киши, жумладан икки собиқ бош вазир, Бишкекнинг икки мэри, бир қатор вазирлар, депутатлар ҳибсга олинган. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Зеленскийга украиналиклар ҳақида кутилмаган янгилик айтилди
Ўзбекистонда ўтган уч ойда қанча автомобиль ишлаб чиқарилган?
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Академик Қодир Ғуломов Қўшработда бўлди
Футзал. Осиё Кубоги. Тожикистон Японияни гуруҳда қолдирди
Швейцария президенти Путинга мактуб йўллади
АҚШнинг Суриядаги ҳарбий базасига ракеталар ҳужум қилди
Рамзан Қодировнинг 19 ёшли қизи медаль билан тақдирланди