14:23 / 15.02.2020
2 841

Ухан аҳолисига ўз туманларидан чиқиш чекланди

Ухан аҳолисига ўз туманларидан чиқиш чекланди
Фото: AP Photo/Kin Cheung
Ухан маъмурияти коронавирус тарқалиши авж олган шаҳарда карантин режимини кучайтирди. Партия раҳбарияти томонидан эълон қилинган қарорга мувофиқ, 14 февралдан фуқароларнинг ўз туманларидан чиқишига чеклов қўйилди.

Янги қоидаларга кўра, ҳар бир киши тана ҳарорати ўлчаб бориладиган ягона назорат-ўтказиш пункти орқали шаҳарнинг бир қисмидан бошқасига ўтиши мумкин бўлади. Расмийларнинг алоҳида таъкидланишича, назорат пунктидан ўтиш учун жиддий сабаб бўлиши керак. Шифокор кўрсатмаларига биноан шаҳарнинг бошқа қисмига бориши керак бўлган фуқаролар учун истисно қилинади.

Хабарда айтилишича, ушбу чора касаллик янада тарқалишининг олдини олиш учун зарурдир.

Хитой Соғлиқни сақлаш вазирлигининг маълумотларига кўра, фақат сўнгги бир сутка ичида Хубэй провинциясида 139 киши коронавирусдан вафот этди, Уханда 107та ўлим ҳолати қайд этилди. Худди шу шаҳарда кўплаб янги касалланиш ҳолатлари рўйхатга олинди.

Айнан Уханда коронавирус дастлабки бор ўтган йилнинг декабрь ойи охирида аниқланди. Ўшанда шаҳардаги денгиз маҳсулотлари бозори касалланиш манбаи деб тахмин қилинганди.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Ухан аҳолисига ўз туманларидан чиқиш чекланди