2 466
Россия ва Қозоғистон чегарасидаги 300 ўзбекистонлик бўйича махсус комиссия қарори қабул қилинади
Фото: Telegram
Ўзбекистоннинг Россия ва Қозоғистондаги дипломатик ваколатхоналари ва консуллик мусассасалари берган маълумотга кўра, Россия—Қозоғистон чегараси «Маштаково» назорат-ўтказиш пункти яқинида 300 га яқин Ўзбекистон фуқароси тўпланган. Бу ҳақда Ташқи ишлар вазирлиги хабар берди.
Маълум қилинишича, мазкур масала Ўзбекистоннинг Москва ва Нур-Султон шаҳарларидаги элчихоналари, Қозон ва Ақтау шаҳарларидаги бош консулхоналари томонидан назоратга олинган, Россия ва Қозоғистоннинг ваколатли органлари билан музокаралар олиб борилмоқда.
Ташқи ишлар вазирлиги оператив штаби ушбу вазият тўғрисида маълумотни ҳар томонлама кўриб чиқиш учун Республика махсус комиссиясига юборган. Махсус комиссия қарори тўғрисида алоҳида маълумот берилади.
ТИВ томонидан маълум қилинишича, фақат 25 майдан буён Россиянинг турли шаҳарларидан 8 та чартер рейси ташкиллаштирилган. Ҳозирги пайтда махсус комиссия томонидан Россиянинг турли ҳудудларидан ўзбекистонликларни олиб келиш учун қўшмча чартер рейсларни амалга ошириш масаласи кўриб чиқилмоқда.
Шу муносабат билан Ташқи ишлар вазирлиги Россия ҳудудида бўлиб турган фуқаролардан «Маштаково» назорат-ўтказиш пункти ёки бошқа Россия—Қозоғистон давлатлараро чегарасини кесиб ўтиш пунктларига боришга уринмасликни, ҳозирда бўлиб турган жойларида қолишни ва барча карантин чораларига қатъий риоя қилишни сўради. «Россиянинг турли ҳудудларидаги шаҳарларга чартер рейслар ташкил қилиш устида ишлар давом этади», — дейилади вазирлик хабарида.
Аввалроқ Олий Мажлис Қонунчилик палатасининг депутати, «Юксалиш» умуммиллий ҳаракати раисининг ўринбосари Бобур Бекмуродов Ўзбекистон ҳукумати чегарада қолиб кетган мазкур фуқароларни олиб келиши кераклиги ҳақида фикр билдирганди.
Эслатиб ўтамиз, бунга қадар мазкур чегара пунктида 1100 нафар ўзбекистонлик тўпланганди ва улар автобусларда Ўзбекистонга олиб келинганди. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Ўзбекистонда ўтган уч ойда қанча автомобиль ишлаб чиқарилган?
Damas учун онлайн контрактация очилади
АҚШнинг Суриядаги ҳарбий базасига ракеталар ҳужум қилди
Владимир Путин «Крокус»да содир этилган теракт учун ўч олишга чақирди
Футзал. Осиё Кубоги. Тожикистон Японияни гуруҳда қолдирди
Америкалик олимлар барча учун бирдек фойдали жисмоний фаоллик турини аниқлади