09:44 / 22.06.2020
1 272

Италия тоғларидаги музлик эримаслиги учун брезент билан қопланмоқда

Италия тоғларидаги музлик эримаслиги учун брезент билан қопланмоқда
Фото: Getty Images
Италия Альпларидаги Презена музлиги 1993 йилдан бери жадал эриб, ўз ҳажмининг учдан бирини йўқотди. Табиат қўриқчилари музлик эришини секинлаштиришга ҳаракат қилишмоқда. Бу мақсадда музлик кўп йиллардан бери оқ рангдаги брезент билан қоплаб келинади.

Бу ҳудуд мунтазам қисқариб бормоқда, шу сабабли биз уни иложи борича кўпроқ қопламоқдамиз”, деб айтган музликни брезент билан ёпишни амалга ошираётган Carosello-Tonale компанияси раҳбари Давид Паница.

Брезент қуёш нурини қайтарувчи ва унинг остида паст ҳароратни сақлаб турувчи махсус қоплама билан қопланган. Шу тариқа кўпроқ қор ва музлик майдони сақлаб қолинади.

Музлик 2008 йилдан қопланиб келинади: ўшанда 30 минг квадрат метр майдон қопланган, ҳозирда уни 100 минг квадрат метргача етказиш режалаштирилган. Таъкидланишича, Австриядаги тоғларда ҳам шунга ўхшаш ва Италиядагидан анча кўпроқ майдонни қамраб олган қоплаш тизимлари мавжуд.

Манба: Kun.uz
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)