Коронавирусга умрбод иммунитет қачон шаклланиши маълум бўлди

«Вектор» биотехнология давлат илмий-тадқиқот маркази бош директори Ринат Максютовнинг фикрича, COVID-19га умрбод иммунитет шаклланиши мумкин.

«Иммун тизимнинг айрим хусусиятларида, масалан, касаллик оғир кечганда умрбод иммунитет шаклланиши мумкин», — деди у «Россия 1» телеканалида намойиш этилган «Хавфли вирус. Вакциналар» фильмида.

Максютовнинг аниқлик киритишича, агар одам коронавирусни оғир шаклда ўтказган бўлса, у ҳолда унда етарлича иммунитет шаклланади ва вакцинацияга ҳожат қолмайди. Борди-ю, хасталик енгил ёки аломатсиз шаклда кечган бўлса, иммунитет даражаси унчалик кучли бўлмаслиги мумкин. Шу боис COVID-19 профилактикаси учун эмланишига тўғри келади, дея изоҳлади «Вектор» бош директори. «Замин»ни Telegram’да ўқинг!