23:30 / 07.03.2021
2 578

АҚШда қор одамни тутганлик учун мукофот пули 2,1 миллион долларгача оширилди

АҚШда қор одамни тутганлик учун мукофот пули 2,1 миллион долларгача оширилди
Фото: Depositphotos
АҚШнинг Оклахома штати маъмурияти қор одамни тутганлик учун мукофот пулини деярли 80 карра оширди.

Бунгача қор одам учун ваъда қилинган пул 25 минг долларни ташкил қилаётганди. Энди эса одамсимон маҳлуқни тутишга муваффақ бўлганларни 2,1 млн доллар мукофот пули кутмоқда.

Иккинчи томондан, ушбу қонун сайёҳларни штатга жалб қилишга йўналтирилган.

Бу ўлкамиздан баҳраманд бўлиш ва вақтичоғлиқ учун яхши имконият бўлади”, деб айтган АҚШ конгресси вакиллар палатаси аъзоси ва ушбу қонун киритилиши ташаббусчиси Жастин Хамфри.

Бундан ташқари, штатда қор одамни тутиш учун рухсатнома жорий қилиш ҳам режалаштирилмоқда. Шунингдек, штатда қор одам билан боғлиқ реклама кампанияси йўлга қўйилади.

2019 йил апрелда Ҳиндистон армиясининг экспедиция гуруҳи Ҳимолай тоғларида қор одам изларини аниқлаганини маълум қилган. Таъкидланишича, ўшанда алпинистлар Макалу лагери яқинида 81х38 см ўлчамга эга товон изларини аниқлашган.

Бироқ ушбу маҳлуқнинг мавжудлиги аксарият олимлар томонидан рад этилиб келинади.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » АҚШда қор одамни тутганлик учун мукофот пули 2,1 миллион долларгача оширилди