22:29 / 26.04.2021
2 741

Польша мудофаа вазири: Путин Россия империясини тикламоқда

Польша мудофаа вазири: Путин Россия империясини тикламоқда

Кеча Россиянинг Украина билан чегарасидаги вазиятни шарҳлар экан Польша Мудофаа вазири Мариуш Блашак Владимир Путиннинг сиёсати Россия империясини тиклашга қаратилганлигини айтган.

Польша Мудофаа вазирлиги раҳбаридан Донбассдаги вазият ҳақида Polskiego Radia 24 эфирида савол берилган.
"Биз вазиятни кузатиб турибмиз, — деган вазир. — Албатта, бизни шарқий чегарадан ташқарида содир бўлаётган воқеалар жуда қизиқтиради. Президент Путиннинг сиёсати, шубҳасиз, Россия империясини тиклашга қаратилган. Биз рус қўшинларининг 2008 йилда Грузияда, 2014 йилда Украинада қандай ишлашини кўрдик. Бу ҳаракат модели эди".

2021 йилдаги вазиятга келсак, Блашак "шундан бери жуда кўп нарса ўзгарди", деб ҳисоблайди.
«Шимолий Атлантика алянси ихчамроқ, НАТОнинг шарқий қанотида АҚШ, Буюк Британия, Руминия ва Хорватия каби иттифоқдош давлатларнинг кучлари мавжуд. Биз Латвия ва Руминияда ҳам бормиз”, — деган вазир.

Блашак шунингдек, Американинг F-16 ва F-15 самолётлари Польшага уч кун олдин етиб келганини эслаган. "Биз бирдамлик аломатларини намойиш этамиз ва шу билан  эҳтимолий агрессорни қўрқита оламиз", — дея хулоса қилган Польша Миллий Мудофаа вазирлиги раҳбари.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Дунё » Польша мудофаа вазири: Путин Россия империясини тикламоқда