21:00 / 21.06.2021
4 522

Толиблар Тожикистон билан чегарадаги туманни эгаллаб олди


Афғонистоннинг Қундуз вилоятидаги Имом Соҳиб тумани толиблар томонидан эгаллаб олинди. Бу ҳақда «Пажвок» агентлигига таяниб «Азия-Плюс» хабар берди.

Агентлик мухбирининг сўзларига кўра, «Толибон» бир неча соат аввал туманни эгаллаган, ҳозирда Қундуз шаҳрига ҳужум бошлаган.

Мазкур туман Тожикистоннинг Хатлон областидаги Панж тумани билан чегарадош ҳисобланади.
"Шаҳар дарвозаси толиблар қўлида, шаҳарнинг ўзи қуршаб олинган. Шаҳардаги вазият кескинлашмоқда", - дейилади хабарда.

Охирги бир неча ой ичида Афғонистонда кўплаб туманлар «Толибон» қўлига ўтган. Сўнгги бир неча кун ичида ҳукумат қўшинлари 15та туманни тарк этган.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Толиблар Тожикистон билан чегарадаги туманни эгаллаб олди