Японияда коронавирусдан ўлим даражаси пастлиги сабаби аниқланди

^{Фото: AFP}
Япония табиий фанлар давлат институти олимлари японлар орасида коронавирусдан ўлим даражаси пастлиги уларнинг генетикаси билан боғлиқлигини аниқлашди. Бу ҳақда олимлар олиб борган тадқиқотга таяниб The Japan Times нашри хабар берди.

Мутахассислар COVID-19’нинг оғир кечиши олдини олишга ёрдам берувчи HLA-A24 антигени молекуласи 60 фоизга яқин японларда ва Европа ҳамда АҚШдаги 10-20 фоиз одамлардагина борлигини аниқлашган.

Вирус организмга кирганда, HLA-A24 антигенининг ҳимоя механизми ишга тушиб, у лейкоцитлар ичида кучли иммун жавобини келтириб чиқаради ва бунинг натижасида вирус билан зарарланган ҳужайралар ўлади.

Аввалроқ Японияда коронавирус “ўз-ўзича йўқ бўлиб” кетгани маълум қилинган. Ваҳоланки, 3 ой олдин Кунчиқар мамлакатда кунига 26 мингта янги касалланиш ҳолати қайд қилиб келинган. Айни вақтда Японияда кунига 200 дан камроқ янги касалланиш ҳолат аниқланмоқда, ўлим ҳолатлари йўқ.

Худди шунга ўхшаш вазият Ҳиндистонда ҳам кузатилмоқда. Бир неча ой олдин вирусдан кунига минглаб одамлар вафот этган ушбу мамлакатда 4 декабрда 8603 та янги касалланиш ҳолати қайд қилинган, ҳеч ким вафот этмаган. Мутахассислар бундан ижобий ўзгаришни беморларни даволаш усулларига киритилган ўзгаришлар билан боғлашган. “Замин” янгиликларини “Одноклассники”да кузатиб боринг