Ҳар қандай ҳолатда аломатни эътиборсиз қолдириб бўлмайди. Бу уйқусизлик ёки жиддий соғлиқ муаммоларининг натижаси бўлиши мумкин. Агар ўз вақтида тегишли чоралар кўрилмаса, асоратлар пайдо бўлиши эҳтимоли бор, деб ёзмоқда Wday нашри.
Нима учун пастки қовоқ шишади ва оғрийди?
Инсоннинг кўплаб касалликлари кўзнинг ташқи томонида намоён бўлади: унинг турмуш тарзи, зарарли одатлари ва у амал қиладиган гигиена. Айниқса, пастки қовоқда ёмон ҳолат дарҳол сезилади, қовоқда нафақат шиш, балки оғриқ, қичишиш ва қизариши кузатилиши мумкин.
Пастки қовоқнинг шишиши сабаблари:
- уйқу етишмаслиги, кўзнинг зўриқиши, организмнинг сурункали чарчоқлари;
- механик шикастланиш, чанг, қолдиқ, кирпикларнинг кўзга тушиши;
- кўз қовоғида ҳосил бўлган “жировик” ва ҳуснбузарлар;
- қон оқимининг бузилиши, томирлар яллиғланиши;
- организмдаги ортиқча намлик;
- инфекция, замбуруғ, вирус, аллергик реакциялар.
Кўзнинг ўзи билан ҳамма нарса тартибда бўлса, шишган кўз қовоғи буйраклар ёки юрак-қон томир тизими билан боғлиқ муаммоларнинг аломати бўлиши мумкин.
Кўз остидаги ажинлар ва доиралар пайдо бўлиши билан бирга кўз қовоқларининг шишиши баъзан ёшга боғлиқ бўлиб, мушак тўқималари таранглигини йўқотади, осилади ва кўпроқ жой эгаллай бошлайди. Баъзан нотўғри қилинган гигиена ёки унинг етишмаслиги ҳам худди шундай таъсирга олиб келади. Айниқса, пардозингизни ювмасдан ётиш зарарли.
Агар пастки қовоқ шишган бўлса, нима қилиш керак?
Бундай аломатнинг сабаблари кўп бўлгани сабабли, мустақил равишда дори-дармон ичиш бефойда, баъзан эса соғлиқ учун ҳам хавфли. Фақат шифокор шишнинг табиатини аниқлай олади. Агар шиш оғриқ, қичишиш, йирингли оқинди, иситма билан бирга кузатилса, дарҳол шифокорга мурожаат қилиш керак.
Шиш пайдо бўлишининг сабабини аниқ билсангиз, масалан, уйқу етишмаслиги ёки вақтинча шифокорга мурожаат қилиш имконияти бўлмаса, халқона даво усулларидан фойдаланишингиз мумкин.
Кўз қовоғининг шишишини қандай енгиллаштириш мумкин:
- кўзга қўшимчаларсиз ишлатилган чой пакетини бостиринг;
- календула, ромашка ёки ялпиз қайнатмаси билан ювиб ташланг;
- дока билан ўралган муз куби билан артиб олинг, лекин бу 3-4 дақиқадан ошмаслиги керак;
- совуқ сув билан ювинг;
- майдаланган хом картошка компрессини қўлланг.
Ҳаддан ташқари ҳолатларда диуретик ичишингиз мумкин, аммо бундан олдин ҳеч бўлмаганда телефон орқали шифокор билан маслаҳатлашиш тавсия этилади.
Пастки қовоқнинг шишиши кўплаб касалликларнинг аломати бўлиши мумкин, шунинг учун вазиятни оғирлаштирмаслик учун ўзингиз мустақил даволашнишга уринманг.
Пастки қовоқнинг шишишининг сабаблари турлича бўлиб, бу қанчалик тез-тез такрорланиши ва унга ҳамроҳ бўлган аломатлар мавжудлигини аниқлаш муҳимдир. Агар пастки кўз қовоғининг шишиши кузатилса, у ҳашорот чақиши, майда тирналиш, инфекция ёки шунчаки бегона моддалар, чанг бўлиши мумкин. Ёки бу “жировик” ёки ҳуснбузар.
Бир-икки кун кузатиш, босмаслик, ишқаламаслик керак. Шишнинг ранги ва шаклига эътибор беринг. Агар у катталашиб, шакли ва рангини ўзгартирса, кўз ёши канали тиқилиб қолган бўлиши ёки инфекцияланган бўлиши эҳтимолдан ҳоли эмас.
Мустақил равишда табиий антисептиклардан фойдаланишингиз, артиб ташлашингиз ёки лосьонларни тайёрлашингиз мумкин. Агар шиш кетмаса ва ҳатто, кучайса, шифокор билан маслаҳатлашишни унутманг. Бу кучли инфекция ва вирус, масалан, герпетик кератит ҳақида дарак бераётгандир.
Борди-ю, шиш бирдан пайдо бўлса ва кетмаса, бу буйраклар ёки юрак-қон томир тизими билан боғлиқ муаммоларни кўрсатади. Бу ҳолда, албатта, шифокор қабулига бориб, ултратовуш ва тестлардан ўтишингиз керак.
Баъзида шиш пайдо бўлиши чойшаблардаги бўёқлар ва пахта ёстиқчалари, бўяниш воситаларидаги оқартирувчи воситалардан келиб чиқади. Безаниш учун мўлжалланган косметика ҳам шиш пайдо бўлишига олиб келиши мумкин. Айниқса, агар кўз қовоғидаги шиш қичиб, қизариб кета бошласа.
Бу ҳолда, ушбу маҳсулотлардан фойдаланишни дарҳол тўхтатишни унутманг. Пастки кўз қовоғининг шишиши лимфанинг сувсизланиши ва турғунлигидан ҳам содир бўлади. Сув ичиш режимингизни кузатиб боринг, тоза сув ва ўсимлик чойларидан ташқари барча ичимликларни чиқариб ташланг. Рационингизга селдерей, петрушка ва бодринг каби хлорофиллга бой сабзавот шарбатларини қўшинг.
“Замин” янгиликларини “Youtube”да кузатиб боринг
