Нонушта куннинг энг муҳим овқатланиш вақти ҳисобланади. Чунки эрталаб истеъмол қилинган овқат сифати инсоннинг бутун куни қандай ўтишини белгилайди, хусусан, у ўзини қай даражада сергак ҳис қилади.
Бироқ, шундай маҳсулотлар борки, улар нонушта учун фойдали бўлиб кўринса-да, аслида кун давомида инсондан энергияни олиб қўяди. Бу ҳақда овқатланиш бўйича эксперт Эшли Тош маълум қилди.
Мутахассиснинг таъкидлашича, нонушта учун маҳсулот танлашда жуда эҳтиёткор бўлиш лозим. Унинг сўзларини Британиянинг Daily Express нашри келтирган.
Кўп одамлар эрталаб кўп ёғ, шакар ва рафинация қилинган углеводлар миқдори юқори бўлган маҳсулотларни истеъмол қилишга одатланган. Бу эса катта хато, дейди эксперт.
Бундай овқатланиш натижасида қонда шакар миқдори кун давомида кескин ўзгариб туради, бу эса асабийлик, чарчоқ ва диққатни жамлашда қийинчиликларга олиб келади.
Эшли Тошнинг айтишича, бу каби зарарли маҳсулотлар қаторига донли ёрмалар ва оқ ундан тайёрланган тостлар киради. Шу билан бирга, мутахассис пишириқлар (булочкалар) нонушта учун тўғри келиши мумкинлигини таъкидлади, бироқ уларга клетчатка ва оқсил қўшиш шарт.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
