Сўнгги кузатувларга кўра, кўплаб аёллар иш фаолиятида юқорилашиш мақсадида пластик операцияга мурожаат қилмоқда. Замонавий ҳаётда ташқи қиёфа муваффақиятнинг муҳим қисмларидан бирига айлангани боис, эстетик жарроҳлик янги аҳамият касб этмоқда, деб ёзади Peopletalk.
Авваллари бундай амалиётларни асосан машҳурлар қилдиришарди. Энди эса ҳолат ўзгарган: идеал кўринишга интилиш шоу-бизнесдан узоқ бўлган аёлларда ҳам намоён бўлмоқда. Юқори рақобатли меҳнат бозори уларни ташқи қиёфасини яхшилашга қизиқтирмоқда.
Клиникалар эса бу йўналишга тезда мослашди. Рекламаларда пластик жарроҳлик орқали карерада муваффақият қозониш тез-тез таъкидланмоқда. Тадқиқотлардан маълум бўлишича, жозибадор инсонлар ўз ҳамкасбларига нисбатан ўртача 15 фоиз кўпроқ маош олишлари мумкин. Бу эса кўплаб аёлларни ташқи қиёфани ўзгартириш ҳақида ўйлашга ундамоқда.
Бироқ мутахассислар таъкидлашича, ҳеч қандай операция карерада тезда юқори поғоналарга чиқишни кафолатлай олмайди. Шу билан бирга, чиройли кўриниш ҳали ҳам резюмеда айтиб ўтилмаган, аммо кучли таъсир қиладиган омил сифатида қолмоқда.
«Замин»ни Telegram’да ўқинг!
