Одамзот асрлар давомида турли доривор ўтлардан соғлиқ учун фойдаланиб келган. Улар нафақат табобатда, балки овқатланиш, парвариш воситалари ва турли қўшимчаларда ҳам қўлланилади. Хусусан, ўтларни чой сифатида қайнатиб ичиш кўплаб мамлакатларда қадимий анъанага айланган. Чунки бу усул ўсимликнинг энг муҳим моддаларини сақлаб қолади ва инсон организмига табиий йўл билан етказади.
Шундай чойлар орасида гилос сопидан тайёрланган ичимлик алоҳида аҳамиятга эга. Ёз мавсумининг энг севимли меваларидан бири ҳисобланган гилос нафақат мазали меваси, балки сопи билан ҳам шифобахш хусусиятларга эга. Шарқий Европа ва Осиёнинг айрим мамлакатларида гилос сопи чойи турли касалликларни енгиллаштириш, айниқса, сийдик йўллари муаммоларида ёрдамчи восита сифатида қўлланилиб келинган.
Мутахассисларнинг таъкидлашича, гилос сопи кучли диуретик ва антиоксидант хусусиятга эга. Унинг табиий таркиби организмдан ортиқча шлак ва токсинларни чиқаришга ёрдам беради. Шу билан бирга, сийдик йўлларида юзага келиши мумкин бўлган инфекцияларни олдини олиш ёки мавжуд яллиғланишни камайтиришда ҳам самаралидир.
Гилос сопи чойини мунтазам ичиш организмнинг умумий ҳолатини яхшилайди, юрак-қон томир тизимига ижобий таъсир кўрсатади ва иммунитетни мустаҳкамлайди. Бундан ташқари, у ортиқча сувни чиқариш орқали шишларни камайтиради, тана оғирлигини назорат қилишда кўмаклашади.
«Замин»ни Telegram’да ўқинг!
