Бирор ишни мақсад қилар экансиз, сизни мақтовчилар қаторида танқидчингиз ҳам бўлмаса, билингки, сиз омадсиз инсонсиз. Мақтов бевафо дўстдир. У сизни чўққига олиб чиқиб, омонат бир ўринга жойлаб тушади. Сал ҳаракат билан у жойдан пастга қулашингиз мумкин. Агар омон қолиб, сизни алдаб кетган ўша мақтовни қидирсангиз, зинҳор уни топа олмайсиз. Чунки у яна бир мақтовга ўч кимсани чўққига олиб чиқиб кетган бўлади.
Лекин танқид ундай эмас. Унинг сизга қаратилган ҳар бир танқиди елкангизда биттадан қанот пайдо қилади. Танқид қанча кўп бўлса, қанот ҳам шунчага ошади. Қанот қанча кўп бўлса, парвоз шунча юқори бўлади. Ҳаётимиздаги энг тўғри ва ишончли танқид бизнинг хатоларимиздир. Хато қиляпмизми, демак, биз йўлда давом этяпмиз, туриб қолмаяпмиз.
Хато биз ўтмоқчи бўлган кўприкнинг чириган ёғочларидир. Тойилмагунча, кўприк яроқсиз эканини билмайсиз, демак, узрлисиз. Аммо кетма-кет тойилиш ҳам ақлдан эмас. Назарингиз қадамда бўлиши шарт. Мақсадга етишимиз учун ҳаётимиз давомида содир қиладиган хатоларимизнинг ўрни жуда каттадир.
Таъкидлаш жоиз, хатони кетма-кет содир қилиш яхшилик эмас. Хато ҳам жонли мавжудотга ўхшайди. Мақсадга бехато етиб олиш ниятидаги қатъиятимизни кўрар экан, кутилмаганда йўлимизда пайдо бўлиб қолишдан чекинади. Бир сўз билан айтганда, хато қилмаслик эмас, хато қилишга ўрганиб қолмаслик муҳимдир.
Заҳириддин Мансур
Манба: Kun.uz “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Олимлар қаҳванинг ичакдаги бактериялар таркибига таъсирини аниқлади
Ўттиз йил қамоқда айбсиз ўтирган маҳбусга 13 млн доллар берилди
Қуръонни ёққани учун қамалган Никита Журавелга янги ҳукм ўқилди
АҚШ Японияга HIMARS тизимларини жойлаштиради
Суперлига. 2025 йилги мавсум қачон старт олиши маълум қилинди
Тошкентда 7,5 млрд сўмлик электр энергиясини ўғирлаган цех аниқланди
НАТО раҳбарияти ғарбдаги йирик компанияларни урушга тайёргарлик кўришга чақирди
Тошкентда жамоат транспорти нархи 3 минг сўмгача ошиши кутиляпти
