Тонгги соат саккизгача нималар қилишга улгуриш керак?

2 дақиқа ўқиш2.5K
Тонгги соат саккизгача нималар қилишга улгуриш керак?
Фото: Freepik
Нафақат кун, балки ҳаётнинг қай тарзда ўтишида ҳам тонгни қандай бошлашнинг аҳамияти катта. Шу сабаб ҳам ҳар бир хатти-ҳаракатни режа асосида амалга ошириш ва вақтни самарали сарфлаш керак.

Тайёргарликни тундан бошланг
Асабийлашмасликка ҳаракат қилинг, чунки стресс гормони кортизол сизни ухлатмаслиги мумкин. Бунинг ўрнига тинчлантирадиган машғулотлар билан шуғулланиб қуйидаги қоидаларни ёдда тутинг:
  • Уйқудан икки соат аввал гаджетлардан фойдаланманг.
  • Телефонни парвоз режимига ўтказиб қўйинг.
  • Иш ҳақида ўйламасликка ҳаракат қилинг. Муҳим қарорни асосан киши тинч ҳолда қабул қилиш мумкин.
  • Вақтингизни яқинларингиз билан ўтказинг.
  • Ухлаш учун сокин ва керакли муҳитни яратинг.
Етти соатдан кўпроқ ухланг
Тиниқиб, уйқуга тўйгунингизга қадар ухланг. Бу хотира, диққатни тўплаш яхшиланиши ва яллиғланиш жараёнлари, бундан ташқари стресс ва депрессия хавфи камайишига олиб келади. Шунингдек, ҳаёт давомийлиги ҳам ортади. Тиниқиб ухлаган ва организми ҳақида қайғурган одамга кофеиннинг кераги бўлмайди.

Режалаштирган вақтингизда уйғонинг
Америкалик ёзувчи Ральф Уолдо Эмерсон айтганидек, ўзига бўлган ишонч муваффақиятнинг асосий сири ҳисобланади. Кишининг ўзига бўлган ишончи эса ўзига берган ваъдасининг уддасидан чиққанда пайдо бўлади. Тонгда режалаштирилган вақтда туриш ёки турмаслик эса куннинг салбий ёки ижобий ўтишига таъсир қилади.

Вазиятни ўзгартиринг
Кўчага ёки ҳеч бўлмаганда, бошқа хонага чиқинг. Вазиятга кичик ўзгартириш киритиш ҳам кишини тетиклаштиради, мия янгиликни яхши кўргани сабаб ҳам киши энергияга тўлади.

Медитация қилинг ва мақсадларингизни ёзиб боринг
Тонг келажакдаги ниятларини ўйлаш учун энг яхши вақт. Бу вақтда мия ижод қилишга мойил бўлади. Медитация билан шуғулланинг кейин эса мақсадларингизни кўз ўнгингизга келтиринг. Қандай ҳаёт истаётганингизни тасаввур қилинг. Унутманг, фараз қилишнинг чегараси йўқ.

Орзуларингизни тасаввур қилинг
Ният, мақсадларни фараз ва ёзиш давомида буни бутун вужудингиз билан амалга оширинг. Орзуга аллақачон эришгандек тасаввур қилинг ўзингизни. Бу сизга келажак ўтмишдан фарқ қилиши учун бошқачароқ иш тутишга ёрдам беради. Мақсадларингиз ва уларга эришиш учун муддат белгиланг. Миллиардер Гарольд Хант таъкидлаганидек, муваффақиятга эришиш учун иккита нарса: айнан нимани хоҳлаётганини тушуниш ҳамда уни амалга оширишнинг қиймати қанча эканини белгилаб олиш керак.

Спорт билан шуғулланинг ва фойдали нарсаларни эшитинг
Жисмоний фаол бўлинг ёки шунчаки пиёда юринг. Бу вақтда аудиокитоб, фойдали подкаст ёки илҳомлантирадиган мусиқа тингланг. Ҳаракат сизни тетиклаштиради, мия яхшироқ ишлайди.

Мия фаолияти учун фойдали бўлган маҳсулотларни истеъмол қилинг
  • Ёнғоқ ва донли маҳсулотларда когнитив қобилиятларни яхшилайдиган Э витамини бисёр бўлади.
  • Авокадо қон айланишини яхшилайдиган монотўйинган ёғларнинг кони. Қолаверса, ушбу маҳсулот қон босимини пасайтириб, мия саломат бўлишига ҳисса қўшади.
  • Лавлаги саратондан ҳимоя қиладиган антиоксидантлар ва мия қон айланишини яхшилайдиган нитратларни ўз ичига олади.
  • Черникада антиоксидант, C ва К витамини, шунингдек, клетчаткалар мўл бўлади. Таркибида галлат кислотаси кўп бўлгани сабаб ҳам ушбу маҳсулот мияни стресслардан ҳимоя қилади.
  • Таркибида коллаген миқдори кўп экани сабаб ҳам суяк қайнатиб тайёрланган шўрва яллиғланиш жараёнига қарши яхши самара беради, фойдали аминокислоталар эса иммунитет ва хотирани яхшилайди.
  • Кокос ёғи хотирани мустаҳкамлаб, ичаклардаги зарарли бактерияларга қарши курашади.
  • Зарчава истеъмолидан кейин фикрлаш ва информацияни қайта ишлаш яхшиланади.
Мураккаб ёки муҳимроқ иш бажаринг
Оғир ишни куннинг биринчи ярмида бажариб олиш куннинг иккинчи ярми осонроқ ўтишига ҳисса қўшади. Муваффақиятга эришишни истасангиз, бунинг учун нимадир қилинг. Муваффақиятга эришиш учун ҳаракат қилиш, ижодкорлик билан ишга ёндашиш керак.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?