Саида Мирзиёева: «Ўчоқда пишган ош бошқача тотли бўлади»

Ўзбекистон Президентининг қизи Саида Мирзиёева бугун ўчоқда палов тайёрлаб, миллий урф-одатларни алоҳида эътироф этди.

"Ўчоқда пишган овқат барибир бошқача тотли бўлади. Ишдан кейин ширин овқатлар қилиб, аччиқ чойларни дамлаб, уйда турмуш ўртоқ ва фарзандлар билан вақт ўтказишга ҳеч нарса етмайди. Айниқса, меҳмонга ойижоним келсалар, уйимиз ҳақиқий байрамга айланиб кетади. Ўзимизнинг урф одатларга тенг келадигани йўқ", деб ёзди у ижтимоий тармоқлардаги саҳифасида.

Саида Мирзиёева ўчоқда ош пишираётгани акс этган фотосуратни ҳам ҳавола қилган. «Замин»ни Telegram’да ўқинг!