Хитой фуқароси Жимин Қиан Лондонда суд қарори билан фирибгарлик ва ноқонуний криптовалюта сақлашда айбдор деб топилди. Унга қарши иш дунёдаги энг йирик криптовалюта мусодарасига алоқадор бўлиб, қиймати 5 миллиард фунтдан (6,3 миллиард доллар) ошади.
Қиан 2014–2017-йилларда 128 мингдан ортиқ одамни алдаб, уларнинг пулларини биткоинга айлантириб яширган. Кейинчалик у сохта ҳужжатлар билан Буюк Британияга қочиб келиб, бу маблағларни кўчмас мулкка киритиб “ювишга” уринган.
Полиция тергови етти йил давом этган ва халқаро ҳамкорликда олиб борилган. Қиан билан бирга ишлаган яна бир хитойлик аёл ўтган йили олти йилга қамалган.
Британия полицияси жами 61 минг биткоинни мусодара қилди. Мутасаддилар криптовалюталар жиноятчилар томонидан ноқонуний маблағларни яширишда тобора кўпроқ ишлатилаётганини таъкидламоқда.
“Zamin”ни Telegram'да ўқинг!
