ҲИВE Дигитал Течнологиес компаниясининг БУЗЗ HPК шоъба корхонаси Торонто яқинида 320 мегаватт қувватга эга сунъий интеллект маълумотлар марказини қуришни режалаштирмоқда. Лойиҳа тўлиқ ишга тушгач, 100 мингдан ортиқ GPU (график процессор) қувватини қўллаб-қувватлаш имкониятига эга бўлади. Компания ушбу лойиҳага тахминан 3,5 миллиард Канада доллари миқдорида инвестиция киритишни ва уни 2027-йилнинг иккинчи ярмида фойдаланишга топширишни кўзламоқда. Бу ҳақда Cointelegraph.com хабар беради.
БУЗЗ компанияси Торонто-Ватерлоо технологик коридорида 320 МВ электр энергияси ажратилган 25 гектар ер майдонини харид қилди. Ҳозирги кунда ҲИВE сунъий интеллект ҳисоб-китоблари учун 5,5 мингга яқин GPU бошқаради ва унинг инфратузилмаси келажакда 130 минггача GPU'ни сиғдира олади. Компания Канада, Швеция ва Парагвайда жами 850 МВ дан ортиқ глобал қувватга эга.
Янги мажмуа Онтарио электр тармоғидан фойдаланади ва сув сарфини камайтириш учун ёпиқ циклли совутиш тизимлари билан жиҳозланади. Лойиҳа 800 дан ортиқ қурилиш иш ўринларини яратиши кутилмоқда. Ушбу хабарлар фонида ҲИВE акциялари душанба куни 27 фоиздан кўпроққа ўсди ва йил бошидан буён умумий ўсиш 33 фоизни ташкил этди.
Сўнгги ҳафталарда Bitcoin нархининг пасайиши ва халвингдан кейинги иқтисодий қийинчиликлар сабабли КлеанSpark ва МАРА Ҳолдингс каби йирик майнерлар чораклик зарар кўрди. Шунга қарамай, ТераВулф каби компаниялар Bitcoin майнингидан тушадиган даромад камайганига қарамай, юқори унумли ҳисоблаш (HPК) операциялари орқали даромадларини оширмоқда. Бу эса крипто-компаниялар учун сунъий интеллект йўналишидаги инвестиция стратегиялари қанчалик муҳимлигини кўрсатади.
“Zamin”ни Telegram'да ўқинг!
