Жанубий Кореяда криптовалюта инвестицияларидан олинадиган фойдага 22 фоизлик солиқ жорий этилишига қарши петиция 50 000 дан ортиқ имзо тўплади. Бу кўрсаткич мамлакат Молия ва иқтисодий режалаштириш қўмитаси томонидан янги солиқ режимига нисбатан эътирозларни кўриб чиқиш учун зарур бўлган минимал чегарадир. Бу ҳақда Cointelegraph.com хабар беради.
2027-йил январидан кучга кириши кутилаётган ушбу солиқ, петиция муаллифларига кўра, инвесторлар учун молиявий ва ҳисобот юкини оширади. Шунингдек, кўчмас мулк нархлари кескин кўтарилган бир пайтда, крипто бозори ёш авлод учун бойлик орттиришнинг кам сонли имкониятларидан бири бўлиб қолаётгани таъкидланмоқда. Ҳозирда петицияни 52 000 дан ортиқ киши қўллаб-қувватлаган.
Петицияда қайд этилишича, бошқа активлар турларига имтиёзли солиқ режимлари қўлланилаётган бир пайтда, Bitcoin ва бошқа рақамли активларга 22 фоизлик солиқ солиш Жанубий Кореянинг глобал крипто бозоридаги улушига зарар етказади. Ёнҳап агентлиги маълумотларига кўра, 2025-йил март ойида аҳолининг 32 фоизи криптовалютага эга бўлган, бироқ нархлар тушиши фонида бу кўрсаткич камайиб бормоқда.
Саноат маълумотларига кўра, кореяликлар эгалик қилаётган крипто активларнинг умумий қиймати 2025-йил январидаги 121,8 триллион вондан 2026-йил февралига келиб 60,6 триллион вонгача камайган. Упбит, Битҳумб ва Коиноне каби йирик биржалардаги кунлик савдо ҳажми ҳам 11,6 миллиард доллардан 3 миллиард долларгача қисқарган.
Бундан ташқари, Жанубий Корея молиявий назорат органлари (ФСК ва ФИУ) томонидан таклиф этилаётган қатъий АМЛ ва КЙК қоидалари ҳам инвесторларни бозордан узоқлаштирмоқда. Хусусан, 10 миллион вондан юқори бўлган хорижий транзакцияларни автоматик равишда шубҳали деб белгилаш талаби крипто ҳамжамияти томонидан кескин танқид қилинмоқда.
“Zamin”ни Telegram'да ўқинг!
