Чаиналйсис блокчейн таҳлилий платформасининг сўнгги ҳисоботига кўра, солиқ тўлашдан бўйин товловчилар ўз бойликларини яшириш учун Bitcoin Ординалс, БРК-20 токенлари ва бошқа янги рақамли усуллардан фойдаланишни бошлаган. Солиқ органлари технологик тараққиётга мослашишга ва крипто-активлар орқали амалга оширилаётган даромадларни кузатишга ҳаракат қилмоқда. Бу ҳақда Cointelegraph.com хабар беради.
Тадқиқотлар шуни кўрсатадики, АҚШда криптовалюта эгаларининг атиги 32 фоизидан 56 фоизигача бўлган қисми ўз фойдалари ҳақида ҳисобот беради. Норвегияда эса бу кўрсаткич янада паст бўлиб, 2024-йил августидаги маълумотларга кўра бор-йўғи 12 фоизни ташкил этган. Италия иқтисодий ва молиявий полицияси яқинда Bitcoin Ординалс ва БРК-20 стандартидан фойдаланиб, 1 миллион ЭУР миқдоридаги даромадни яширган шахсни аниқлади.
Bitcoin тармоғида 2023-йилда жорий этилган Ординалс протоколи ҳар бир сатоши (Bitcoin'нинг энг кичик бирлиги)га серия рақами бериш ва унга маълумотларни жойлаштириш имконини беради. Италиядаги ҳолатда гумонланувчи ушбу технология ёрдамида токенлар яратган, уларни биржаларда сотган ва тушган фойдани қайтадан Bitcoin ҳамёнига йўналтириб, янги активларга инвестиция қилган.
АҚШ Ички даромад хизмати (ИRS) ҳисоб-китобларига кўра, давлатга тўланиши керак бўлган, аммо олинмаган солиқлар миқдори қарийб 606 миллиард УСД ни ташкил этади. Одатда солиқдан қочиш нақд пулда тўлаш ёки даромадни камайтириб кўрсатиш орқали амалга оширилади, бироқ криптовалютадан фойдаланиш блокчейннинг шаффофлиги сабабли жиддий хавф туғдиради.
Чаиналйсис мутахассисларининг таъкидлашича, блокчейн технологияси ўчмас из қолдиради ва ҳар қандай мураккаб схемани фош қилиш имконини беради. Блокчейн таҳлили орқали молиявий тармоқларни қайта тиклаш ва биржалар берган маълумотлар билан солиштириш орқали шубҳали транзакцияларни аниқлаш мумкин. Италиядаги ушбу ҳолат крипто-активларнинг техник янгилиги анонимликни кафолатламаслигини яна бир бор исботлади.
“Zamin”ни Telegram'да ўқинг!
