Бухорода давлат солиқ органлари ходимлари томонидан ҳудуддаги бизнес вакиллари билан ишончли ҳамкорлик алоқалари ўрнатилган. Айниқса, карантин даврида иқтисодий қийинчиликларга дуч келган тадбиркорлик субъектларига ҳукуматимиз томонидан берилган енгилликлар ва солиқ имтиёзларидан самарали фойдаланишларида яқиндан ёрдам берилмоқда.
Биргина мисол. Ўзбекистон Республикаси Президентининг 2020 йил 19 мартдаги «Коронавирус пандемияси ва глобал инқироз ҳолатларининг иқтисодиёт тармоқларига салбий таъсирини юмшатиш бўйича биринчи навбатдаги чора-тадбирлар тўғрисида»ги (ПФ-5969-сонли) Фармонига асосан, Бухоро вилоятидаги 150 дан ортиқ корхоналарга жами 3 миллиард сўмдан ортиқ, яъни 957 миллион сўмлик мол-мулк солиғи, 2 миллиард 22 миллион сўмлик ер солиғи ҳамда 36 миллион сўмлик сув ресурсларидан фойдаланганлик учун солиқларни тўлаш бўйича фоизларни ундирмасдан 6 ойга кечиктириш (бўлиб-бўлиб тўлаш) бўйича имтиёз қўлланилган.
- Когон шаҳридаги “Propan-Oil-Plys” масъулияти чекланган жамияти карантин даврида автотранспорт воситалари ҳаракатига ўрнатилган чекловлар туфайли иқтисодий қийинчиликка дуч келганди, - дейди Когон шаҳар ДСИ бошлиғи ўринбосари Комила Аҳмадова. - Бундай вазиятда Когон шаҳар давлат солиқ инспекцияси томонидан корхонага ҳуқуқий тушунтиришлар берилди. Натижада корхона мурожаатига асосан унинг мол-мулк ва ер солиқларини тўлаш бўйича мажбурияти фоизларни ундирмасдан 6 ойга кечиктирилди.
- Бизнинг корхонамиз ҳам пандемия таъсирига тушганлиги сабабли жами 22,7 миллион сўмлик мол-мулк, ер ҳамда сув ресурсларидан фойдаланганлик учун солиқни тўлаш бўйича мажбуриятимиз фоизларни ундирмасдан 6 ойга кечиктирилди, - дейди “Бухоро Парранда” АЖ корхонаси ҳисобчиси Ортиқ Муқимов. – Тўғрисини, тан олиб айтиш керак ҳозирги қийинчилик даврда биз ана шундай кўмакка муҳтож эдик. Албатта биз ушбу имтиёзли даврдан унумли фойдаланиб ишлаб чиқариш ҳажмини янада оширишга ҳаракат қиламиз.
Когон шаҳридаги транспот хизмати кўрсатиш фаолияти билан шуғулланиб келаётган “Progres-Mega-Trans” корхонасида карантиндан олдин 80 дан ортиқ, Когон туманида фаолият олиб бораётган “ШерзодАвтотранс” транспорт корхонасида ҳам 2 ой илгари 21 нафар ишчи фаолият юритган. Бироқ пандемия таъсири туфайли айни кунда ушбу корхоналарда бор-йўғи 3 нафардан ишчи ишлаб турибди холос. Яширишнинг кераги йўқ, бундай вазиятда корхона мол-мулк ва ер солиқларини тўлашга ҳам қийналиб турганди.
Эътиборлиси, жорий йилнинг 18 май куни Президентимиз томонидан имзоланган “Коронавирус пандемияси даврида аҳоли ва тадбиркорлик субъектларини қўллаб қувватлаш бўйича навбатдаги чора тадбирлар тўғрисида”ги Фармонига мувофиқ ушбу корхоналар 2020 йил 1 июндан 1 сентябргача мол-мулк ва ер солиғи тўлашдан озод қилинди.
Ўрни келганда айтиш лозимки, мазкур имтиёзни қўллаш натижасида вилоятдаги 1 949 та тадбиркорлик субъекти ихтиёрида 3,3 миллиард сўмлик маблағ қолади.
Бухоро вилояти ДСБ
Матбуот хизмати.
“Замин” янгиликларини “Telegram”да кузатиб боринг
Матбуот хизмати.
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Шавкат Мирзиёев Россия бош прокурори билан учрашув ўтказди
22 ноябрь куни Cobalt автомобилига шартнома очилиши эълон қилинди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Зеленский Путин борасида баёнот берди: “Тинчликни истаганлар юзига тупурмоқда”
