Қозоғистон ва Ўзбекистон қўшма лойиҳани йўлга қўйди

1 дақиқа ўқиш2.2K
Қозоғистон ва Ўзбекистон қўшма лойиҳани йўлга қўйди
Фото: primeminister.kz
Қозоғистон бош вазири Асқар Мамин ва Ўзбекистон бош вазири Абдулла Арипов Қозоғистон-Ўзбекистон чегарасидаги «Жибек Жоли» ўтказув пунктида ўзаро музокара ўтказди ва «Марказий Осиё» халқаро савдо-иқтисодий ҳамкорлик маркази қуриладиган жойга капсула қўйиш маросимида иштирок этди. Бу ҳақда Қозоғистон бош вазири матбуот хизмати хабар берди.

Хабарда айтилишича, томонлар ўзаро савдо-иқтисодий, инвестиция, қишлоқ хўжалиги, транзит-транспорт, туризм, космик соҳа, саноат кооперацияси, сув ресурсларидан оқилона фойдаланиш ва муҳофаза қилиш, минтақавий ва чегараолди ҳамкорлиги масалаларини муҳокама қилди.

Музокаралар давомида автомобилсозлик, Туркистон-Чимкент-Тошкент тезюрар темир йўл магистрали қурилиши масалаларига алоҳида эътибор қаратилди.
Қозоғистон ва Ўзбекистон қўшма лойиҳани йўлга қўйди
Музокаралар якунига кўра, Мамин ва Арипов «Марказий Осиё» халқаро савдо-иқтисодий ҳамкорлик маркази фаолиятини ташкил этиш бўйича чора-тадбирлар режасини ҳамда темир йўл транспортини ривожлантириш бўйича ҳамкорликдаги ҳаракатлар тўғрисидаги протоколни имзолади.

«Марказий Осиё» халқаро савдо-иқтисодий ҳамкорлик маркази «Жибек Жоли» (Қозоғистон) ва «Ғишткўприк» (Ўзбекистон) назорат-ўтказув пунктлари ҳудудида барпо этилади. Марказнинг умумий майдони 400 гектарни, ўтказиш қобилияти ҳар икки йўналишда суткасига 35 минг киши ва 5 минг юк автомобилини ташкил этади.

Марказ Қозоғистон ва Ўзбекистоннинг ҳамкорликдаги инвестицион лойиҳаларини амалга ошириш учун йирик саноат ва савдо-логистика маркази бўлиши кўзда тутилган.

Аввалроқ Ўзбекистон бош вазири ўринбосари – инвестициялар ва ташқи савдо вазири Сардор Умрзоқов Қозоғистон савдо ва интеграция вазири Бахит Султонов билан инвестициявий, савдо-иқтисодий, транспорт ва логистика ҳамкорлигининг жорий масалаларини муҳокама қилганди.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?