Бугун, 25 сентябрь куни Тошкент шаҳри Чилонзор туманида жойлашган шахсий хонадонлардан бирида ёнғин содир бўлди. Бу ҳақда пойтахт Фавқулодда вазиятлар бошқармаси маълум қилди.
Маълум қилишларича, соат 13:51 да Бешқўрғон кўчасидаги шахсий хонадонлардан бирида ёнғин бошлангани ҳақида ФВБга хабар келиб тушган. Шунга мувофиқ, ёнғин-қутқарув гуруҳи соат 13:54 да воқеа жойига етиб борган ва тезкор ҳаракатлар натижасида ёнғин соат 14:12 да атрофдан қуршаб олинган ҳамда 14:30 да тўлиқ ўчирилган.
Қутқарув ходимлари томонидан тез ва самарали ҳаракатлар олиб борилгани натижасида, вазият Тошкент шаҳар ФВБ томонидан тўлиқ назоратга олинган. Ҳодиса оқибатида тан жароҳати олган шахслар ҳақида ҳеч қандай хабар тушмаган.
Бу воқеа ижтимоий тармоқларда ҳам кенг муҳокама бўлиб, шаҳар аҳолисининг хавфсизлик ва ёнғинлардан ҳимоя масалаларига эътиборини янада кучайтирди. Қутқарувчиларнинг тезкор ҳаракатлари ва маҳаллий аҳолининг эҳтиёткорлиги орқали ёнғиннинг жиддий оқибатлари олди олинди.
«Замин»ни Telegram’да ўқинг!
