Самарқанд аэропортида йўловчи юкидан пневматик тўппонча чиқди

Самарқанд аэропортида Россиядан келган рейс йўловчисининг юкидан пневматик тўппонча ва ўқ-дорилар топилди. Воқеа 4 декабрь куни “Санкт-Петербург–Самарқанд” йўналиши бўйича амалга ошган рейсда қайд этилган.

39 ёшли Ўзбекистон фуқароси А.Д. божхонадан ўтишда “яшил” йўлакни танлаган, бироқ хизматчиларда шубҳа туғилгани учун у “қизил” йўлакка ўтказилиб, багажлари тўлиқ кўздан кечирилди. Текширув жараёнида унинг сумкасидан 1 дона пневматик тўппонча, 4 та сиқилган ҳаво баллончаси ва 105 та ўқ чиқди.

Фуқаро қуролни Санкт-Петербургда нотаниш шахсдан сатып олганини ва шахсий мақсадда олиб келаётганини айтган. Ҳозирча тўппонча ва ўқ-дорилар божхона томонидан вақтинча сақловга олинган.