11:30 / 21.08.2020
978

Ўзбекистонда «Ёшлар дафтари» ва «Аёллар дафтари» рўйхатлари ҳам тузилади

Ўзбекистонда «Ёшлар дафтари» ва «Аёллар дафтари» рўйхатлари ҳам тузилади
Президент Шавкат Мирзиёев 20 август куни тадбиркорликни ҳудудлардаги қўшимча имкониятлар ҳисобига ривожлантириш масаласида йиғилиш ўтказди. Унда ишсиз ёшлар ва хотин-қизлар бандлигини таъминлаш ҳақида ҳам сўз борди.

Бош вазир ўринбосарига уларни талаб юқори бўлган касблар ва тадбиркорликка ўқитиш, шу асосда бизнесини йўлга қўйишда молиявий қўллаб-қувватлаш тартибини жорий этиш вазифаси юклатилди.

«Бу ишларни тизимли амалга ошириш мақсадида, мамлакатимизда жорий этилган «темир дафтар»лар сингари, ишсиз ёшлар бўйича алоҳида («Ёшлар дафтари»), ишсиз ва боқувчисиз хотин-қизлар бўйича алоҳида («Аёллар дафтари») рўйхатлар шакллантириб, ҳар бири билан янги тизим, янгича тартибда манзилли ишлаш муҳимлиги таъкидланди», – дейилади президент матбуот хизмати хабарида.

Эслатиб ўтамиз, аввалроқ «Олтин дафтар» реестри ҳам шакллантирилиши, унга хориждаги салоҳиятли ватандошлар – потенциал инвесторлар, нуфузли университетлар профессорлари ва халқаро ташкилотларда ишловчи ўзбекистонликлар киритилиши маълум бўлганди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)