19:46 / 24.02.2021
2 635

Синф раҳбарларига қўйиладиган талаблар ўзгарди

Синф раҳбарларига қўйиладиган талаблар ўзгарди
2021 йилнинг февраль ойидан эътиборан халқ таълими тизимида 5-синфдан бошлаб, 11-синфга қадар ягона синф раҳбарини тайинлаш бўйича Низом жорий этилди.

Янги Низомга мувофиқ, биринчи навбатда мактабларда синф раҳбарларига қўйиладиган умумий талаблар ишлаб чиқилди. Хусусан:
  • камида 3 йиллик педагогик иш стажига эга бўлган;
  • мактабда тўлиқ ставкада аcосий ишчи сифатида фаолият олиб бораётган;
  • бўлиниб ўқитиладиган фанлардан дарс бермайдиган;
  • одоб-ахлоқи ва хулқи билан ўқувчиларга шахсий намуна бўла оладиган;
  • руҳий жиҳатдан барқарор бўлган;
  • ўқувчилар билан ишлаш жараёнига масъулият билан ёндаша оладиган.

Шунингдек, қабул қилинган янги низомга мувофиқ, синф раҳбарларининг:
  • амалдаги хужжатлари сони оптималлаштирилди;
  • фаолиятини баҳолаш мезонлари яратилди;
  • малака ошириш курслари ишлаб чиқилди;
  • ота-оналар билан ишлаш тизими такомиллаштирилди.

Амалга оширилган ўзгаришлардан кутилаётган асосий натижалар:
  • синф раҳбарларининг ўқувчилар тарбиясига таъсири сезиларли равишда ошиши;
  • 5-синфдан 11-синфгача ягона синф раҳбарининг бириктирилиши натижасида синфдаги ижтимоий муҳитни соғлом равишда ушлаб туриш имкони;
  • ота-оналар томонидан ўз фарзандларини таълим-тарбия жараёнига нисбатан қизиқишининг ортиши.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Синф раҳбарларига қўйиладиган талаблар ўзгарди