Бир сават узум 5 миллион сўмга сотилди
Тошкент вилоятида ўтказилган “Узум сайли”да бир сават узум кутилганидан анча қимматга сотилди.
Паркент туманидаги тадбир доирасидаги аукционда “Аватар” навли узум 5 миллион сўмга харид қилинди. Оҳангарон туманида етиштирилган мазкур узумнинг бошланғич нархи 750 минг сўм этиб белгиланган эди.
Савдолар давомида иштирокчилар ўртасидаги рақобат сабаб узум нархи бир неча баробар ошиб, якунда 5 миллион сўмга етди.
Шу тариқа, бу йил узумнинг бозордаги эмас, аукциондаги нархи барчани ҳайратда қолдирди.
Изоҳлар 0
…