Жорий йилнинг 7 май куни жиноят ишлари бўйича Риштон туман судида Ўзбекистон Республикаси ЖКнинг 122-моддаси 1-қисми билан О.Бозоровни айблаш ҳақидаги жиноят иши сайёр судда кўриб чиқилди.
Суд жараёнида О.Бозоров бир нафар фарзанди моддий таъминоти учун 2008 йилдан, яъни 13 йилдан ортиқ вақт мобайнида 40 млн. сўмдан ортиқ алимент пулини тўлашдан бош тортиб келганлиги жамоатчиликнинг қаттиқ танқидига сабаб бўлган.
Ҳатто қарздор ота суд залида ҳам алимент пулини тўламаслигини маълум қилгач, ундирувчи М.Усмонова судланувчига қонуний жазо беришликни сўраган. Шунга кўра, суд О.Бозоровга нисбатан ЖКнинг 122-моддаси 1-қисми билан 9 ой муддатга озодликдан маҳрум этиш жазоси тайинланган.
Шунингдек, сайёд судда 10 нафар алимент тўлашдан бош тортган қарздорларга нисбатан Ўзбекистон Республикаси МЖтКнинг 47-4-моддасига асосан маъмурий иш материаллари ҳам кўриб чиқилиб, 6 нафар оталарга нисбатан 15 сутка маъмурий қамоқ жазоси тайинланган, 2 нафар қарздор алимент пулини тўлиқ тўлаганлиги сабабли жавобгарликдан озод қилинган, 2 нафарига нисбатан 10 кун қўшимча муддат белгиланган.
Жумладан, қарздорлар И.Ахмедов икки нафар фарзанди учун 9 ойдан буён 6 млн. 542,1 минг сўм ҳамда Б.Рўзиматов бир нафар фарзанди учун 7 ойдан буён 4 млн. 148,9 минг сўм тўланмасдан келинган алимент пули суд процесси давомида тўлиқ ундирилган. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Швейцария президенти Путинга мактуб йўллади
АҚШнинг Суриядаги ҳарбий базасига ракеталар ҳужум қилди
Футзал. Осиё Кубоги. Тожикистон Японияни гуруҳда қолдирди
Ўзбекистонда ўтган уч ойда қанча автомобиль ишлаб чиқарилган?
