Актёр ва блоггер Шахриёр Бахтиёров ҳамда унинг турмуш ўртоғи Зилола Бахтиёрова яна бир бор ота-она бўлаётгани ҳақида қувончли хабар билан бўлишди. Улар кутилаётган фарзандларининг жинси — ўғилми ёки қиз — эканини эълон қилиш учун ўзига хос ва илиқ муҳитда gender party ташкил этишди.
Зилола Бахтиёрова ўз Instagram саҳифасига жойлаган видеода жуфтликнинг қизи София билан бирга махсус тайёрланган катта шарни қўлларида ушлаб тургани акс этади. Шахриёр ва Зилола шарни игна ёрдамида ёришган заҳоти унинг ичидан ўғил фарзанд туғилишини билдирувчи кўк шарчалар чарх уриб сочила бошлайди.
Бу манзара ҳамманинг юзида табассум уйғотди. Зилола ва Шахриёрнинг қувончи чексиз эди — улар бир-бирларини меҳр билан бағрига босиб, янги фарзандлари учун Аллоҳга шукроналар айтишди. Қизлари София ҳам укаси бўлаётганидан хурсанд бўлиб, ота-онаси билан бирга қувончини яширмади.
Оиланинг ушбу бахтли лаҳзалари ижтимоий тармоқларда тезда тарқалиб, минглаб изоҳлар билан қаршиланди. Мухлислар уларга самимий табриклар йўллаб: “Хонадонингиз доимо бахтга тўлсин!”, “Кичик меҳмон соғ-саломат дунёга келсин!” каби эзгу тилакларини билдиришди.
Бахтиёровлар оиласи учун янги боб бошланмоқда ва мухлислар ҳам улар билан бирга қувонмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
