Марко Станоевич жаҳон даражасидаги қайси футболчи билан тўп тепганини биласизми?

Яқинда "Блогбастер" "Youtube" канали аъзолари Қаршида бўлиб, футболчи Иван Соловьев билан интервью уюштирди. Суҳбат чоғида журналист “Насаф”нинг сербиялик легионерини ҳам саволга тутди.

— Сиз “Црвена Звезда” клуби тарбияланувчиси ҳисобланасиз. Айтингчи, ўтмишда жаҳон даражасидаги футболчилар билан йўлингиз кесишганми?
— Албатта, бундай футболчилар кўп бўлган. Улар орасида энг машҳури — Неманья Матич. Менимча, уни ҳамма яхши танийди. Шу боис, ортиқча таништиришнинг ҳожати йўқ. Шунингдек, “Олимпиакос” ва “Верона” каби клублар шарафини ҳимоя қилган Ягош Вукович ҳам бор. Уларнинг иккиси ҳам Сербия терма жамоасида ўйнаган. Ушбу футболчилар билан маълум бир вақт давомида бирга шуғулланганмиз. Матични илк бор кўрганимда жуда озғин эди. Ўйинга чиққанида, оёғидан гетраси тушиб кетарди. Бу ажойиб дамлар. Кейинчалик, улар ўз ўйинларини топишди ва жаҳон даражасидаги футболчиларга айланишди.

— Қарши ва Ўзбекистон ҳақида биринчи марта эшитганингизда қандай фикрга келгансиз?
— Қарши шаҳри ёки “Насаф” ҳақида деярли ҳамма нарсани билар эдим. Кўпч легионер футболчилар шаҳар ҳақида ёмон гап эшитиб, таклифни рад этишади. Бу — хато. Агар қайсидир клуб менга таклиф жўнатса, уни ўрганиб чиқаман ва маъқул келса, таклифни мамнуният билан қабул қиламан. “Насаф”дан ҳам яхши таклиф олганман. Айни пайтда бундай қарорга келганимдан афсусланмайман. Бу ерда жонкуяр мухлислар, ажойиб шарт-шароит ва жаҳон даражасидаги стадион бор. Қаршида баъзи аҳамиятсиз нарсалардан безовта бўлмасдан, фақат футбол ҳақида ўйлаш мумкин. Бу нарсалар мен каби футболчиларни тўлиқ қаноатлантиради деб ўйлайман “Замин” янгиликларини “Facebook”да кузатиб боринг