U-20 ЖЧ. Гватемала Аргентинани жосусликда айблади

U-20 жаҳон чемпионатининг 2-туридан олдин гватемалаликлар шикоят билан чиқишди.

Бугун ёшлар ўртасидаги мундиалнинг "А" гуруҳидан ўрин олган Аргентина — Гватемала учрашуви бўлиб ўтади. Мазкур ўйин олдидан баҳс-мунозара юзага келди: гватемалаликлар мезбонларни жосусликда айблади.

Гап шундаки, мезбонлар делегацияси вакилларидан бири Гватемала аъзолари учун ажратилган кийиниш хонасига кириб, марказий америкаликларга тегишли ўйин стратегияси ва бошқа ҳужжатларни суратга олган. Бу ҳақда меҳмонлар ФИФАга хабар беришган.

Терма жамоа мураббийи Рафаэль Лоредо мазкур ҳолатни тасдиқлаб, бу адолатдан эмаслигини айтди ҳамда ФИФАни тегишли чора кўришга чақирди.

Эслатиб ўтамиз, мазкур гуруҳдан Ўзбекистон ва Янги Зеландия терма жамоалари ҳам ўрин олишган. 

Шухрат Раззаков

«ЗАМИН.УЗ» муҳаррири