Шаҳрам Ғиёсовда имконият – Эннисга қарши иккита чемпионлик камари учун жанг!

Ўзбекистон боксчиси, ёрқин профессионал фаолият йўлини давом эттираётган Шаҳрам Ғиёсов навбатдаги жангини иккита чемпионлик камари учун ўтказади. Бу ҳақда Бутунжаҳон бокс ассоциацияси (WBA) расмий сайти орқали эълон қилди.

Эннис – чемпион, рақиб аниқ
Ҳозирда ушбу вазн тоифасидаги амалдаги чемпион — америкалик Жарон Эннис. У рингда 35 марта жанг қилган ва барча жангларда ғалаба қозонган. Шу жумладан, 30 та жангни нокаут билан якунлаган.

12 апрель куни Эннис литвалик Эймантас Станионисни мағлуб этди ва шу орқали WBA ва IBF камарларини бирлаштирди. Шундан сўнг WBA унга 120 кун ичида Шаҳрам Ғиёсовга қарши жанг ўтказиш мажбуриятини юклатди.

Ғиёсовнинг сўнгги ғалабаси — 4-раундда якун
13 апрель куни, Ғиёсов АҚШнинг Нью Жерси штати, Атлантик Сити шаҳрида рингга чиқди. У аргентиналик Франко Максимилиано Окампога қарши жанг қилди ва 4-раунддаёқ рақибини нокаутга учратди.

Мазкур ғалаба орқали Шаҳрам ўзини чемпионлик жанги учун тайёр эканини яна бир бор намоён қилди.

Сиз нима деб ўйлайсиз — Шаҳрам Ғиёсов учун Эннисга қарши жангда имкониятлар қандай? Бу ўзбек бокси учун тарихий лаҳза бўладими? «Замин»ни Telegram’да ўқинг!