Миср миллий жамоаси сафарда Жибути устидан 3:0 ҳисобида ишончли ғалаба қозониб, очколарини 23 тага етказди ва сўнгги тур олдиданоқ ЖЧ-2026 йўлланмасига эга чиқди. Беллашувда Муҳаммад Салоҳ дубл қайд этди, ҳисобни эса Адел 8-дақиқада очди.
Бу натижа билан «фиръавнлар» ўз тарихида тўртинчи марта мундиалга чиқиш имконини қўлга киритди: 1934, 1990, 2018 ва энди 2026. Африка саралашида Салоҳ ҳозирча энг кўп гол урган футболчи — унинг ҳисобида 9 та гол бор ва бу ҳиссаси билан жамоасига йўлланмани таъминлашда етакчи бўлди.
Шундай қилиб, ЖЧ-2026да қатнашувчи терма жамоалар сони 19 тага етди. Миср эса охирги турни эркин руҳ билан кутиб олмоқда — мақсад йўлланмани илғабгина қолмай, саралашни юқори кайфиятда якунлаш.
ЖЧ-2026 саралаши. Африка, 9-тур
Жибути – Миср 0:3
8 октябр, Жибути
Голлар: Адел (8), Салоҳ (14, 84).
