Нидерландиянинг ПСВ жамоаси бош мураббийи Питер Бос ўз шогирдларининг Англиянинг "Ливерпул" клубини йирик ҳисобда мағлуб этганидан сўнг фикр билдирди. Чемпионлар Лигаси 5-тур учрашуви 4:1 ҳисобида якунланди.
"Мен жуда фахрланаман. Кўрганларим ва биз ўйнаган футбол билан фахрланаман", — дейди мураббий NOS нашрига берган интервьюсида.
Танаффусдаги дурангдан сўнг ПСВ қийинчиликларга дуч келаётган Англия чемпиони устидан устунликни қўлга киритиб, олдинга ўтиб кетди. "Биз ўз ўйинимизга ўзгартиш киритдик ва бу ўз самарасини берди.
Биз босимдан чиқиб кетишга муваффақ бўлдик. Бу ПСВ учун ажойиб натижа, шунингдек, футболимиз нуфузи учун ҳам катта ютуқдир.
"Энфилд"да 4:1 ҳисобида ғалаба қозониш Европа миқёсида катта аҳамиятга эга", — дея таъкидлади Бос. Шунингдек, ПСВ мураббийи жамоа сардори Йорди Шаутенга юқори баҳо берди.
У ўзининг севимли бўлмаган марказий ҳимоячи позициясида ўйнаб, гол уришга муваффақ бўлди. "Йорди ажойиб ўйин кўрсатди.
У ҳимояда ҳам жуда яхши ҳаракат қилди. Ушбу онлардан биргаликда баҳра оламиз", — деди Бос.
"Ливерпул" 9 очко билан 13-ўринда, ПСВ эса 8 очко билан 15-ўринда бормоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
