«Насаф» клуби яримҳимоячи Ойбек Бозоров билан хайрлашганини расман маълум қилди. «Аждарлар» академиясидан етишиб чиққан футболчи йиллар давомида жамоа шарафини ҳимоя қилиб, майдондаги меҳнати билан мухлислар ҳурматини қозонганди.
Бозоров «Насаф» сафида ўтган фаолияти давомида бир марта Ўзбекистон Суперлигаси чемпиони бўлди. Шунингдек, икки марта кумуш ва бронза медалларига эга чиқди. Кубок фронтида ҳам натижа ёмон эмас: жамоа билан уч марта Ўзбекистон кубоги ва Суперкубокда ғалаба таъмига ҳисса қўшган.
Клуб матбуот хизмати Бозоровнинг фидойилиги ва жамоа ютуқларига қўшган ҳиссасини алоҳида таъкидлаб, унга миннатдорлик билдирди ва келгуси фаолиятига омад тилади.
Эътиборли жиҳати — «Насаф»да кетишлар тўхтагани йўқ. Аввалроқ Шерзод Насруллаев ҳамда Жавоҳир Сидиқов ҳам жамоани тарк этгани хабар қилинганди.
Қисқаси, «Насаф» янги мавсум олдидан таркибни жиддий “қимирлатяпти”. Энди асосий интрига: кетганларнинг ўрни қандай тўлдирилади ва жамоа янги қурилишни қай даражада тўғри қила олади?
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
