«Барселона» бош мураббийи Ханс-Дитер Флик жамоа олдидаги асосий мақсадни айтди: каталонияликлар Европа Чемпионлар лигаси кубогини яна бир бор қўлга киритишни орзу қилмоқда. Бу ҳақда euro-football.ru хабар беради.
Матбуот анжуманида Флик Чемпионлар лигасини «буюк турнир» деб атади ва янги формат умумий босқичнинг сўнгги ўйинига алоҳида драматизм берганини таъкидлади. Мураббий фанатларнинг эмоциялари футболнинг энг ёқимли жиҳатларидан бири эканини қўшиб ўтди.
Фликнинг айтишича, жамоа ҳар куни изчил ишлаши, ўз устида тинимсиз меҳнат қилиши керак: айнан шу йўл уларни Чемпионлар лигасини ютишдек катта орзуга яқинлаштиради. У бу ният нафақат мухлислар, балки футболчиларнинг ҳам умумий орзуси эканини урғулади.
Шу билан бирга, мутахассис бу вазифа осон эмаслигини ҳам яширмади: натижага эришиш учун «Барселона» мунтазам равишда яхшиланиб бориши шарт.
Эслатиб ўтамиз, «Барселона» Чемпионлар лигасида охирги марта 2015 йилда ғолиб чиққан.
Жамоанинг навбатдаги учрашуви 31 январ куни Ла Лигада сафарда «Элче»га қарши бўлиб ўтади.
“Zamin”ни Telegram'да ўқинг!
