«Барселона» бош мураббийи Ханс-Дитер Флик ярим ҳимоячи Томми Маркес ҳақида фикр билдирди. 19 ёшли футболчи шанба куни «Мальорка»га қарши учрашув (3:0) якунида захирадан майдонга тушиб, асосий жамоа сафидаги илк ўйинини ўтказди. Бу ҳақда euro-football.ru хабар беради.
Матбуот анжуманида Флик Маркесни Френки де Йонгга ўхшатиб, ҳатто уни «Френкининг укасига ўхшайди» дея таъкидлади. Мутахассис Томмининг машғулотлардаги ишончли ўйини, доимий ўсиши ва тўп билан муомаласини алоҳида қайд этди.
Мураббийга кўра, Маркес бир нечта позицияда фойдали бўла олади: у «ўнлик» ролида ҳам, таянч ярим ҳимояда ҳам кўриниши мумкин. Флик ҳатто уни зарурат туғилса, ўнг қанот ҳимоясида ҳам тасаввур қилишини айтди.
Ўйинда «Барселона»нинг голларига Роберт Левандовски, Ламин Ямал ва Марк Бернал муаллифлик қилди.
“Zamin”ни Telegram'да ўқинг!
