Германия чемпионатининг 22-турида «Гамбург» ўз майдонида «Унион Берлин»ни қабул қилди ва кескин кечган учрашувда иродали ғалабани қўлга киритди. Бу ҳақда euro-football.ru хабар беради.
Меҳмонлар 28-дақиқада Леопольд Кверфельднинг пеналтитдан йўллаган зарбаси орқали ҳисобни очди — 0:1. Бироқ «Гамбург» тезда жавоб қайтарди: 35-дақиқада Рансфорд Кенигсдорффер Роберт Глатселнинг узатмасидан унумли фойдаланиб, мувозанатни тиклади. Биринчи бўлим якунида эса Николас Капалдо мезбонларни олдинга олиб чиқди — 2:1.
Иккинчи таймда «Унион» стандарт вазиятлар орқали хавфли ҳужумлар уюштирди: Деррик Кеннинг жарима зарбаси тўсинни жаранґлатди. Шунга қарамай, 82-дақиқада Кенигсдорффер Гьорги Гочолешвилининг пасидан сўнг дубл қайд этиб, «Гамбург»нинг устунлигини мустаҳкамлади — 3:1.
Учрашув сўнгида интрига яна қайтди: 89-дақиқада Оливер Берк Андрей Иличнинг қанотдан узатмасини бош билан якунлаб, фарқни қисқартирди — 3:2. Якунда «Гамбург» ҳисобни ушлаб қолди, томонлар эса натижага кўра турнир жадвалида 9-ўринни бўлишиб турибди.
“Zamin”ни Telegram'да ўқинг!
