Нижний Новгороднинг «Локомотив» клуби собиқ мураббийи Валерий Овчинников Гватемала терма жамоасининг март ойида Россияга қарши ўртоқлик учрашувини ўтказишдан бош тортгани борасида фикр билдирди. Гватемала футболи раҳбарияти бу қарорни бошқа жамоалар билан аввалдан келишиб қўйилган ўйинлар борлиги билан изоҳлади. Бу ҳақда euro-football.ru хабар беради.
Мутахассиснинг айтишича, Гватемала рад этган бўлса, Россия томон барибир бошқа рақиб топади. Овчинников бу вазиятга сиёсий омиллар таъсир қилаётган бўлиши мумкинлигини, ёки гватемалаликлар Россияга қарши ўйнашга ҳозирча тайёр эмаслигини ҳам истисно қилмади.
У шунингдек, ҳозир россиялик футболчилар учун энг муҳим масала — ким бўлишидан қатъи назар, ўйин амалиётини сақлаб қолиш ва мусобақа ритмини ҳис қилиш эканини таъкидлади.
Дастлабки маълумотларга кўра, март ойида Россия терма жамоаси Африка вакили Мали билан ўртоқлик учрашуви ўтказиши мумкин.
“Zamin”ни Telegram'да ўқинг!
