«Барселона» директорлар кенгаши аъзоси Жоаан Солер клуб йирик трансферлар бозорида фаол ҳаракат қилишга тайёр эканини айтди. Унинг таъкидлашича, каталонияликлар энг катта юлдузлар учун курашишга молиявий жиҳатдан қодир. Бу ҳақда euro-football.ru хабар беради.
Солер Cadena Ser эфирида: «Ҳа, биз Холанн ёки Альварес каби футболчиларни ҳам имзолашимиз мумкин. Бундай харидлар беш йил ичида ўзини оқлайди. Клубнинг молиявий аҳволи бунга имконияти беради», дея фикр билдирди.
Энди асосий савол — «Барселона» яқин ёзги трансфер ойнасидаёқ топ-ҳужумчилардан бирини олиб келиш учун реал қадам ташлайдими-йўқми. Холанн эса ҳозирги пайтда дунёнинг энг кучли футболчилари қаторида, Transfermarkt портали норвегиялик форвардни 200 миллион еврога баҳолаган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
