Англия кубогининг 1/8 финал босқичи ўзининг кутилмаган натижалари билан мухлисларни ҳайратда қолдиришда давом этмоқда. Турнир доирасида бўлиб ўтган навбатдаги баҳсларда сенсацион ҳолат қайд этилди. АПЛ вакили ҳисобланган "Сандерленд" клуби учинчи дивизионда сўнгги ўринда бораётган "Порт Вейл" жамоасига имкониятни бой бериб, мусобақа билан хайрлашди. Учрашувдаги ягона гол 28 дақиқада Уэйн томонидан киритилди ва бу кичик клубнинг тарихий ғалабасини таъминлади.
Бошқа бир учрашувда эса "Лидс" ўз мухлислари кўз ўнгида "Норвич" жамоасини йирик ҳисобда мағлуб этди. 3:0 ҳисобида якунланган баҳсда голларга Лонгстафф, Гудмундссон ва Пиру муаллифлик қилишди. Ушбу ғалаба "Лидс"га турнирнинг чорак финал босқичига йўлланма тақдим этди. Эслатиб ўтамиз, аввалроқ "Фулҳем" ҳам чемпионшип вакилига ютқазиб, турнирдан чиқиб кетган эди. Англия кубоги ўзининг кутилмаган бурилишлари билан футбол ихлосмандларига ҳақиқий шоу тақдим этмоқда.
“Zamin”ни Telegram'да ўқинг!
