"Бавария" клуби 30-тур доирасида "Штутгарт"га 4:2 ҳисобда ғалаба қозониб, Бундеслига чемпионлигини 35-бор қўлга киритди. Бироқ, жамоа анъанавий чемпионлик кубогини эмас, балки махсус альтернатив совринни қабул қилиб олди. Бу ҳақда Goal.com хабар беради.
Футболчилар ва техник штабга махсус оқ рангли футболка топширилди. Унда клубнинг қизил-оқ либосидаги какаду қуши тасвирланган бўлиб, қушнинг қўлида чемпионлик кубоги акс этган.
Ушбу соврин жамоа учун ички ҳазилга айланиб улгурган. Ўтган мавсумда бош мураббий Винсент Компани жамоани хурсанд қилиш учун подиумга портселян какадуни қўйган эди. Маълум бўлишича, ушбу ҳайкал "Кäфер" ресторанидан олиб кетилган ва кейинчалик ресторан эгаси томонидан 1 000 евролик совға сифатида клубга тақдим этилган.
Леон Горецка ушбу рамзий ҳайкални ҳавога кўтариб, ғалабани нишонлади. Мазкур талисман жамоа билан бирга ҳатто Клублараро жаҳон кубоги мусобақасига ҳам йўл олган эди.
“Zamin”ни Telegram'да ўқинг! 
